|
SubscriptionsSites I Read
|
|
|
|
| 今朝返左藍田飲茶, 因為大舅母一家同二姨上黎拜年 不過今日真係太多人, 所以都等左好耐先有位 食飽飽後, 佢地上左屋企坐陣就走喇 二姨就留係度同我地打牌 又打左12圈, 由羸到和, 再變輸, 幾有型, 哈 而今晚晚餐係食Pizza Hut 仲有今日真係唔該Aki幫我Free左畔溪既附加費 Thanks a lot!!! | | |
| Yeah! 今日第一次同花柳佢地去澳門拜神 今次有花仔, 十仔, 肥妹, Chris & his gf歡歡 我地先去上環買船飛, 不過今日真係超多人去 所以又要迫我地買定來回船飛, 仲要貴d添 因為未夠鐘上船, 我地先係茶軒食個早餐 再去機鋪陪坐, 睇住坤仔玩鬥地主, 開始對呢個遊戲有d明目 終於都等到夠鐘, 我地澳門之旅正式開始 經過個半鐘既船程, 我地到達左澳門大碼頭 第一站, 當然先去觀音寺拜神先 聽十仔佢地話好準, 所以我今次都有跟佢拜神同求籤 因為我咩都唔識, 所以成程跟普坤仔做 左腳入, 右腳出, 拜神又外到內 而人生第一次求籤, 感覺都幾特別 而一支因為唔知點搖, 所以搖左勁耐先出到 第一支係求事業, 籤文為: 平生富貴成祿位 君家門戶定光輝 此中必定無損失 夫妻百歲喜相隨 第二支係家庭 犬虎交加在門前 此事必定有相連 黃金總然化成鐵 何須作福問神仙 第三支就係自身 欲去長江水闊茫 行船把定未轉風 戶內用心再作福 看看魚水得相逄 最後當然係姻緣啦 太公家業八十成 月出光輝四海明 命內自然逄大吉 芽屋中間好事興 拜完神, 我地就搭巴士去氹仔食野 本想諗住為左可以食間正宗既葡國菜 就去左間叫木偶既葡萄菜館 點知又貴, 又唔好食, 仲要一食就知唔係正宗野... 之後我地再去食葡撻, 咁岩又撞到小丁 再去買埋榴槤雪糕食, 不過呢間奠義記好似冇咁好食 食飽飽, 我地就行去威尼斯人賭場 一去到, 已經係超多人, 基本上每張都係人玩緊 當佢地個個都換左籌碼個陣, 我突然覺得呢個遊戲風險太高, 所以我冇換到 十仔, 肥妹, Chris佢地就玩張勁開細既枱 我同花花就玩左有路捉既枱, 因為我連續兩次估中左買咩 所以最後我都換籌碼玩, 中間又贏下, 又輸下, 最後都贏左少少 但因為我冇仍地既膽量, 所以我真係贏少佢地好多 不過其實都好開心嫁喇, 第一次玩都有得贏 其實我發現賭博真係會令人失智 我明明講明左話贏多鋪就唔玩 點知, 到真係贏左, 又想贏多鋪 但如果輸左, 又唔服, 又追多鋪 好在有花仔係度提住我, 唔係真係有機會輸返出黎 唔得, 唔可以變成賭仔, 一定唔可以!!! 而今次因為大家都有贏錢, 都懷興奮既心情返香港 因為我地要換飛提早返香港, 所以又要俾多50蚊 返到香港, 同花仔&龜佬食埋M記就散喇 同花仔搭船返尖咀, 佢轉火車, 我就轉巴士歸家lu 今日同佢地玩得好開心, 下年我地再黎過! | | |
| 今日係年初五 公司開年的大日子 一返到去, 已經收到老二的第一封利是了 上到去, 陸陸續續收到各師兄師姐既紅包 而今年, 周爺都有黎同我地開年 甚至佢話係第一次落黎呢個Office添 我地真係咁重要咩...希望下年Fred佢地都同我地一齊啦 排隊收利是, 又排隊講吉祥說話, 再排隊食燒豬 之後因為Anton師兄件衫Dirty左, 所以陪佢係海港城買衫 我地行左勁多間, 最後終於係Converse買左件Tee換 再上潮篇食開年飯, 不過唔知係咪冇Anutie Kara同Linda 所以好似少左好多笑聲咁 大家都食食食, 食飽飽又返上公司交單 故意係開年第一日交單, 希望今年順順利利 可惜就係因為為左交單 搞到冇得去參觀Anvia既豪宅, 君臨天下 之後就趕返藍田接待姑姐同四叔 今晚又係打邊爐作晚餐 | | |
| 今日係年初四, 第二日出鋪頭餵狗 不過出去之前, 因為bbb又賴左落地下 我又要清潔一大輪, 11點起身, 12點半先整完 再出鋪頭, 仲自費買水俾佢地添, 搞一搞, 又搞到成2點半 先返去藍田同家人, 二姨&瑤瑤飲下午茶 買埋今晚打邊爐既野就返上去喇 咁岩又撞到光舅父一家 之後二表姐一家又上埋黎 今日仲開封, 打左AIA旅行麻雀 超小麻雀, 幾易走雞... 再打埋邊爐, 本想出去餵狗 點知出到去, 哥哥佢地已返...早知就唔過黎啦... | | |
| 琴晚點半先係元朗走, 4點先訓 今朝9點又起身, 11點入返黎元朗 因為今日係Road Show的第二日 吸收左琴日既教訓, 今日我地轉左玩問答遊戲 今日明顯比琴日好好多 起碼都避得咁明, 都開口容易左 不過都係唔好嫁喇, 所以我地都係做到5點就走喇 再係甜甜Cafe食埋野就走喇 我先返屋企訓左陣, 再出去搵十仔&花花 一齊由旺角行過去大角咀同龜佬打邊爐慶祝生日 今晚都齊晒人, 係骨煲皇食, 我地叫左勁多野食 不過d野好食過上次個間, 咁當然價錢都貴過上次呢 | | |
|
